За 20 дзён вайны стаў відавочны правал планаў расійскай агрэсіі, якую Крэмль цынічна назваў «спэцаперацыяй». Паводле паведамленняў СМІ, унутры расійскіх кіруючых элітаў пачаліся чысткі сярод чыноўнікаў, адказных за прарасійскую прапаганду і дэстабілізацыю сітуацыі ва Украіне. Гэта тычыцца найперш высокапастаўленых чыноўнікаў 5-й службы ФСБ, якія павінны былі рыхтаваць маштабную падтрымку агрэсару (паводле журналістаў Андрэя Салдатава і Індрыны Бараган). Мяркуючы па ўсім, пошук вінаватых у правале «спецаперацыі» працягнецца, штопашырыць антыпуцінскія настроі ўнутры эліты, паскараючы крах рэжыму.
Праз паўмесяца пасля пачатку поўнамаштабнай вайны Расіі супраць Украіны агрэсар ужо зацягнуў амаль усе батальённыя тактычныя групы, якія Масква на працягу некалькіх месяцаў збірала з усёй Расійскай Федэрацыі ў якасці сваіх лепшых войскаў. Агульная колькасць расійскіх войскаў, паводле звестак Forbes на 18 лютага – за тыдзень да поўнамаштабнага ўварвання – налічвала каля 150 тысяч чалавек. Аднак за першыя два тыдні баёў, паводле афіцыйных звестак, расійскія акупанты кожны дзень гублялі каля тысячы сваіх салдатаў забітымі. Агульная колькасць забітых расійцаў складае ўжо амаль 14 тысяч чалавек, некалькі дзясяткаў тысяч параненых (паводле ваеннай статыстыкі, звычайна – у некалькі разоў больш). Такім чынам, за два тыдні вайны баяздольнасць страцілі каля 36 тысяч расійцаў. Сёння інфармацыя пра загінулых расійскіх высокапастаўленых чыноўнікаў, у тым ліку генералаў, з’яўляецца амаль што кожны дзень. Таму Масква ліхаманкава збірае рэзервы, разгарнула вярбоўку карнікаў у Сірыі і Афрыцы. Але галоўная стаўка Пуціна — на поўнамаштабнае ўцягванне у вайну Рэспублікі Беларусь.
Дэмаралізацыя ў расійскай арміі паглыбляеццабесчалавечным стаўленнем да асобных падраздзяленняў.У прыватнасці, ёсць гісторыя, калі ў Барадзянцы (гарадок пад Кіевам) так званыя «кадыраўцы» расстралялі 12 параненых расійскіх вайскоўцаў з 36-й асобнай мотастралковай брыгады, якія павінны былі быць эвакуяваны ў шпіталь у Беларусі.Такое стаўленне да ўласнага народу сведчыць пра ўнутраны раскол ў расійскай арміі.Можна ўявіць, як яны будуць ставіцца да беларусаў, якія стануць расходным гарматным мясам і для чачэнцаў, і для расійцаў.
Разбітая расійская тэхніка ў раёнеСум
Расійская армія прайграе матываваным украінцам, якія падтрымліваюць армію.Вядомыя факты захопу расійскай тэхнікі тэрытарыяльнай абаронай (фактычна міліцыяй).
Украінскія фермеры вязуць захопленую расійскую тэхніку— TheTelegraph
Згодна з планамі Крамля, акупанты павінны былі за некалькі дзён узяць Кіеў, Харкаў і іншыя буйныя ўкраінскія гарады, а за некалькі тыдняў заняць усю Украіну. Аднак планы Крамля праваліліся ў першы дзень поўнамаштабнай вайны, пакольку акупанты атрымалі татальнае супраціўленне з боку ўсяго ўкраінскага народа: Узброеных сіл Украіны, Нацыянальнай гвардыі, тэрытарыяльнай абароны, іншых сілавых структур і простых грамадзян. У акупаваных гарадах мы бачым пастаянныя шматтысячныя мітынгі ўкраінцаў, якія прама ў твар акупантаў кажуць усё, што пра іх думаюць (у Херсоне, Мелітопалі, Кахоўцы).
Масква ідзе на тэрор. Асабліва цынічныя абстрэлы бальніц і радзільных дамоў. Расстрэльваюць і мірных жыхароў, якія спрабуюць выбрацца з гарадоў, дзе ідуць актыўныя баявыя дзеянні.
Вынікі абстрэлаў радзільнага дома ў Марыупалі — Голас Амерыкі
Уцекачы з Ірпеня— ArisMessinis/Agence France-Presse
Самаўпэўненыя планы Пуціна ўжо праваліліся. Перамога Украіны ў гэтай вайне прывядзе да краху апошняй імперыі ў свеце. Японія неаднаразова заяўляла пра свае тэрытарыяльныя прэтэнзіі на паўднёвыя Курылы. Падтрымку Ўкраіне выказваюць рухі паняволеных Масквой народаў на роднай зямлі — у прыватнасці, арганізацыі буратаў, башкіраў, паволжскіх татараў. Пуцін бачыць тупік у сітуацыі і спрабуе прыцягнуць дадатковыя ваенныя сілы. З самага пачатку поўнамаштабнага нападу Расія выкарыстоўвае Рэспубліку Беларусь як плацдарм дзеля наступу на ўкраінскую тэрыторыю. Расійскія войскі пакідаюць Беларусь, танкі сыходзяць, ракеты страляюць, ідуць пастаўкі.
Але, акрамя гэтага, працягваюцца пастаянныя спробы ўцягнуць у вайну беларускіх вайскоўцаў. 11 сакавіка, калі крамлёўскі стаўленік у Мінску Аляксандр Лукашэнка наведаў свайго гаспадара, расійскія самалёты справакавалі абстрэл беларускіх вёсак з паветранай прасторы Украіны. Аднак правакацыя не атрымалася, бо мясцовыя сяляне бачылі, як перад тым тыя самалёты вылецелі з Беларусі, а на зваротным шляху перад нападамі на беларускія вёскі яны білі і па ўкраінскіх.
Якіх жа наступстваў варта чакаць, калі Пуціну ўсё ж удасца пераканаць Лукашэнку пайсці супраць украінцаў? Агульная колькасць Узброеных сіл Беларусі складае каля 50 тысяч, а баяздольных, якіх Лукашэнка гатовы адправіць на вайну, да 7-8 тысяч. Наступ беларускіх войскаў будзе разгортвацца на тэрыторыі Палесся – балоцістых тэрыторый, асабліва вясной. Прыклад расійскіх войскаў ужо паказаў, што можа здарыцца. Цяжкая бронетэхніка будзе грузнуць, як гэта адбываецца на поўдні ўкраінскіх чарназёмаў. Таксама ўразлівасць тэхнікі павялічыцца з-за неабходнасці расцягвацца на кіламетры, з-за паломак пастаянна будуць утварацца коркі. Гэтыя тэрыторыі ідэальна падыходзяць для стварэння паспяховага падпольнага руху, дзе вораг будзе заблытаны, а мясцовыя жыхары добра разбіраюцца ў лясных сцежках.
Палессе і Валынь стануць пеклам для ўсіх, хто паспрабуе напасці на Украіну. Такім чынам, прапарцыйна колькасці страт у Маскве, за два тыдні ад пачатку баёў з беларусамі іх войскі страцяць каля 2000 забітымі і параненымі. Магчыма, гэтыя лічбы будуць яшчэ большымі, бо ўкраінскія вайскоўцы, якія дыслакуюцца на Валыні, ужо больш за два тыдні знаходзяцца ў поўнай баявой гатоўнасці і гатовыя сустрэць няпрошаных гасцей. Безумоўна, грамадзяне Беларусі могуць не адразу даведацца пра такую колькасьць страт, яны будуць схаваныя, як у Расіі, дзе таемна хаваюцца ці спальваюцца трупы вайскоўцаў.
Дарэчы, як паведамляе беларуская служба Радыё Свабода, асноўны цяжар па лагістыцы параненых і забітых расійцаў ужо нясуць беларускія памежныя гарады Гомель, Мазыр і Нароўля. Супрацоўнікі беларускіх структураў, якія займаліся транспартоўкай, лячэннем параненых і ўтойваннем трупаў, былі вымушаныя падпісаць дамову аб неразгалошванні сапраўдных маштабаў страт. Беларусы ўжо адчуваюць з гэтым праблемы, а мірныя жыхары маюць абмежаваны доступ да медыцынскіх паслуг. Калі ў вайне будуць удзельнічаць беларускія войскі, то параненых нідзе не будуць лячыць, проста не хопіць месцаў у шпіталях.
Акрамя таго, пасля нападу з боку Беларусі Украіна можа па праву нанесці ўдар у адказ па вайсковых базах у Беларусі, што нанясе непапраўную шкоду беларускай ваеннай інфраструктуры. Так, цяпер Кіеў пазбягае нападу на авіябазы каля гарадоў Баранавічы і Лунінец, адкуль кожная шостая ракета запускаецца па гарадах і мірных жыхарах Украіны. Але з кожнай тысячай забітых жанчын і дзяцей цярпенне заканчваецца.
Напад беларусаў не абыдзецца без істотных праблем для мірнага насельніцтва. Транспартная сістэма, якая будзе працаваць на ваенныя задачы, можа абваліцца. Акрамя таго, аўтаматычна ўсе санкцыі Захаду, уведзеныя супраць Расіі, будут пашырацца і на Рэспубліку Беларусь, дзе будзе паўтарацца тая ж карціна, якая цяпер назіраецца ў Расіі: вывад замежных кампаній і іх прадукцыі, рост беспрацоўя, моцны дэфіцыт, рэзкае павышэнне цэнаў, абясцэньванне валюты і інш.
Яшчэ адзін аспект, які грае на карысць Украіны, гэта тое, што самі беларусы нязгодныя з вайной. Апытанні паказваюць, што толькі 3% насельніцтва Беларусі гатовыя да вайны.
А ваенная падрыхтоўка беларусаў жадае лепшага. Пераважная большасць падраздзяленняў не гатовая да бою. На думку беларускага апазіцыйнага журналіста Аляксандра Папка, галоўным матывам паходу ў войска беларускіх мужчын было павышэнне пенсій і сацыяльных гарантый. Такім чынам, яны зусім нематываваныя да барацьбы. Толькі невялікая колькасць з іх – у асноўным сілы спецыяльных аперацый – рэгулярна можна бачыць на трэніроўках. Сярод іх Брэсцкая і Віцебская брыгады і брыгада ў Мар’інай Горцы пад Мінскам. Дарэчы, беларускія ўлады выкарысталі вайскоўцаў для разгону пратэстаў у Мінску. У выпадку ваеннага ўварвання іх, несумненна, чакае разгром.
Вядома, падзенне маскоўскага рэжыму непазбежна. Гэта прывядзе да падзення марыянеткі Лукашэнкі. І тыя падраздзяленні, якія перажывуць бойню ва Украіне, паўстануць перад трыбуналам як ваенныя злачынцы. Але перад гэтым загінуць тысячы беларусаў, якіхбудуцьзнішчаць як украінская армія, так і быццам «саюзнікі» расійцы, якім прасцей расстрэльваць параненых, чым эвакуяваць. Тысячы маці атрымаюць страцяць сыноў, многія будуць пазбаўленыя нават інфармацыі пра іх лёс. Улады будуць казаць, што «зніклыя», атрупы спаляць у мабільных крэматорыях. Не кажучы ўжо пра звычайнае стаўленне да «братоў малодшых» — беларускіх салдат будуць адпраўляць на верную смерць як гарматнае мяса першымі.
Аднак у беларусаў яшчэ ёсць шанец не рабіць ганебных крокаў. Сотні палітычных уцекачоў з Беларусі ўступаюць у шэрагі добраахвотнікаў на баку Украіны, утвараючы асобныя атрады. Варта браць з іх прыклад іншым беларусам, якім час вызначыцца. Чаго яны жадаюць: прыстойнай будучыні для ўласных дзяцей або крывавых ахвяраў дзеля капрызаў тыранаў і гадоў гібення пасля гэтага. Урэшце, лепш пайсці на мітынг ці нават у турму, чым загінуць у братазабойчай вайне.
Міхаіл Кублій, кандыдат гістарычных навук
Leave a Reply